پشاور میں پی ٹی آئی کا تاریخی پاور شو — وزیراعلیٰ سہیل آفریدی کا بھرپور خطاب

پشاور میں پاکستان تحریکِ انصاف کا شاندار پاور شو جاری ہے جہاں ہزاروں کارکنوں نے شرکت کرکے جلسہ گاہ کو بھر دیا۔ وزیراعلیٰ خیبرپختونخوا سہیل آفریدی نے اپنے پرجوش خطاب میں کہا کہ صوبے کے عوام نے ہمیشہ سچ، انصاف اور حق کا ساتھ دیا ہے۔ انہوں نے مزید کہا کہ موجودہ حکومتی پالیسیوں کے خلاف عوامی ردِعمل واضح ہو چکا ہے اور خیبرپختونخوا کے شہری کسی بھی دباؤ کے آگے جھکنے کو تیار نہیں۔سہیل آفریدی نے اپنے خطاب میں قانون کی حکمرانی، صوبائی حقوق اور عوامی خدمت کو اولین ترجیح قرار دیتے ہوئے کہا کہ "خیبرپختونخوا کسی کی جاگیر نہیں، یہ عوام کا صوبہ ہے، ہم کسی غیر منتخب فرد کی مداخلت قبول نہیں کریں گے۔”جلسے میں پارٹی رہنماؤں نے مستقبل کی سیاسی حکمتِ عملی بھی واضح کی، جب کہ کارکنوں کا جوش و جذبہ جلسہ گاہ میں گونجتا رہا۔