گوجرانوالہ میں ماس ٹرانزٹ سسٹم کا سنگ بنیاد — وزیراعظم شہباز شریف کی خصوصی شرکت

6 دسمبر 2025 کو وزیراعظم محمد شہباز شریف نے گوجرانوالہ میں ’’گوجرانوالہ ماس ٹرانزٹ سسٹم‘‘ کے سنگِ بنیاد کی تقریب میں شرکت کی۔تقریب کے دوران وزیراعظم نے کہا کہ جدید ٹرانسپورٹ سسٹمز کسی بھی شہر کی معاشی ترقی میں بنیادی کردار ادا کرتے ہیں اور یہ منصوبہ گوجرانوالہ کے عوام کے لیے سفر کو آسان، تیز اور محفوظ بنانے میں سنگِ میل ثابت ہوگا۔انہوں نے مزید کہا کہ پنجاب حکومت شہری سہولیات بہتر بنانے کے لیے جدید اقدامات اٹھا رہی ہے اور گوجرانوالہ کا یہ منصوبہ پورے خطے میں ٹرانسپورٹ کے معیار کو بہتر بنانے میں مرکزی کردار ادا کرے گا۔وزیراعظم نے متعلقہ حکام کو ہدایت کی کہ منصوبے کو بین الاقوامی معیار کے مطابق، شفافیت کے ساتھ اور مقررہ مدت میں مکمل کیا جائے۔