دبئی میں ملازمت کے نام پر لڑکیوں کو اسمگل کرنے والا ملزم گرفتار

کراچی ( پی کے نیوز)ایف آئی اے امیگریشن نے کراچی ایئرپورٹ پر کارروائی کرتے ہوئے دبئی میں ملازمت کے نام پر لڑکیوں کو اسمگل کرنے والے گروہ کے ایک اہم کارندے کو گرفتار کر لیا۔ایف آئی اے حکام کے مطابق گرفتار ملزم شاہ زیب کو وزٹ ویزے پر ہوٹل میں ملازمت کے لیے جانے والی ایک لڑکی کی نشاندہی پر حراست میں لیا گیا۔ ابتدائی تحقیقات میں سامنے آیا کہ شاہ زیب نے اسمگلر ندیم سے ملنے والی رقم سے لڑکی کے ویزے، ٹکٹ اور شومنی کا انتظام کیا۔مزید بتایا گیا کہ شاہ زیب نے کل 4 لاکھ 20 ہزار روپے میں سے 40 ہزار روپے ایئرپورٹ پر کلئیرنس کے لیے ایک ایجنٹ اسلم کو دیئے۔ گرفتار ملزمان کو بعد ازاں اینٹی ہیومن ٹریفکنگ سرکل منتقل کر دیا گیا ہے۔