آئی ایس آئی ادارہ جاتی نظم و ضبط کا پابند، ذاتی ایجنڈے پر کام کرنے والوں کیلئے کوئی رعایت نہیں

آئی ایس آئی کو ایک انتہائی منظم، پیشہ ور اور ریاستی ذمہ داریوں کو نبھانے والے ادارے کے طور پر تسلیم کیا جاتا ہے۔ ادارے کے بنیادی فرائض وہ ہوتے ہیں جنہیں قومی سلامتی، ریاستی مفادات اور ادارہ جاتی اصولوں کے تحت انجام دیا جاتا ہے۔ ماہرین کے مطابق کسی بھی ادارے کے اقدامات کو عوام اپنی سوچ، تجربے یا تجزیے کی بنیاد پر صحیح یا غلط قرار دے سکتے ہیں، لیکن وہ اقدامات ادارے کے اندرونی نظم، ضرورت اور ریاستی ذمہ داری کے تحت انجام دیے جاتے ہیں۔اس کے برعکس ایسے افراد جو ذاتی مفادات، خواہشات یا کسی نجی ایجنڈے کے تابع کارروائیاں کرتے ہیں، وہ ادارہ جاتی نظم و ضبط سے باہر تصور ہوتے ہیں۔ اداروں میں یہی اصول ہوتا ہے کہ جو لوگ ادارے کی پالیسی کے مطابق کام کریں، انہیں ادارہ مکمل تحفظ اور حمایت فراہم کرتا ہے۔ لیکن جو افسر یا نمائندے ذاتی ایجنڈے پر چلیں، وہ نہ صرف ادارہ جاتی تحفظ سے محروم ہو جاتے ہیں بلکہ جوابدہ بھی ہوتے ہیں۔ ریاستی اداروں میں نظم و ضبط کے تسلسل کو برقرار رکھنے کے لیے ایسے اقدامات ناگزیر سمجھے جاتے ہیں۔