عمران خان کی درخواست منظور خواجہ آصف کے خلاف کیس کی درخواست منظور پی ٹی آئی کی بڑی کامیابی
اسلام اباد (پی کے نیوز)اسلام آباد ہائیکورٹ نے خواجہ آصف کی جانب سے شوکت خانم ہسپتال پر لگائے گئے الزامات سے متعلق سیشن کورٹ کے فیصلے کے خلاف بانی پی ٹی آئی کی جلد سماعت کی درخواست منظور کر لی ہے۔
یہ متفرق درخواست چیف جسٹس اسلام آباد ہائیکورٹ جسٹس سرفراز ڈوگر نے سنی۔ سماعت کے دوران بانی پی ٹی آئی کے وکیل عمر ضیاء الدین ایڈووکیٹ عدالت میں پیش ہوئے اور مؤقف اختیار کیا کہ کیس اہم نوعیت کا ہے، جس پر جلد سماعت ضروری ہے۔
عدالت نے درخواست منظور کرتے ہوئے ہدایت کی کہ مرکزی کیس کو موسمِ سرما کی عدالتی تعطیلات کے بعد دوسرے ہفتے میں مقرر کیا جائے۔
واضح رہے کہ خواجہ آصف نے ایک پریس کانفرنس کے دوران شوکت خانم ہسپتال پر فنڈز کے غلط استعمال اور منی لانڈرنگ کے الزامات عائد کیے تھے، جس کے بعد بانی پی ٹی آئی نے سال 2012 میں خواجہ آصف کے خلاف 10 ارب روپے ہرجانے کا ہتکِ عزت کا دعویٰ دائر کر رکھا ہے۔
عدالت نے مرکزی کیس تعطیلات کے بعد مقرر کرنے کی ہدایت دیتے ہوئے سماعت ملتوی کر دی۔
