پی ٹی آئی میں اختلافات شدت اختیار کر گئے، نئی 23 رکنی پولیٹیکل کمیٹی پر علی محمد خان کا سخت ردعمل

بانی پی ٹی آئی عمران خان کی ہدایت پر پارٹی رہنما سلمان اکرم راجہ نے نئی 23 رکنی پولیٹیکل کمیٹی تشکیل دے دی ہے، تاہم اس کمیٹی میں کسی اور رہنما کو فیصلہ سازی کے اضافی اختیارات نہیں دیے گئے۔

پارٹی ذرائع کے مطابق نئی کمیٹی کے اعلان کے فوراً بعد پی ٹی آئی کے اندر اختلافات کھل کر سامنے آ گئے۔ سینئر رہنما علی محمد خان نے کمیٹی کی تشکیل پر شدید ردعمل کا اظہار کیا ہے، جسے پارٹی کے اندرونی اختلافات کی علامت قرار دیا جا رہا ہے۔

ذرائع کا کہنا ہے کہ نئی پولیٹیکل کمیٹی میں شہریار آفریدی، مراد سعید، سابق صدر عارف علوی اور شہباز گل کو شامل نہیں کیا گیا، جس پر کارکنوں اور بعض رہنماؤں میں تشویش پائی جا رہی ہے۔

سیاسی تجزیہ کاروں کے مطابق کمیٹی کی تشکیل کے طریقہ کار اور اہم رہنماؤں کی عدم شمولیت سے پارٹی کے اندر پالیسی اور قیادت کے حوالے سے اختلافات مزید واضح ہو گئے ہیں، جو آئندہ پارٹی حکمت عملی پر اثر انداز ہو سکتے ہیں۔