پنجاب (pk news)میں بیوٹیفکیشن مہم تیز، مریم نواز شریف کا منصوبوں پر تفصیلی جائزہ

وزیراعلیٰ پنجاب مریم نواز شریف نے صوبے بھر میں شہروں کی خوبصورتی کے لیے جاری بیوٹیفکیشن منصوبوں کی رفتار، معیار اور نفاذ کا جامع اور تفصیلی جائزہ لیا۔ اجلاس میں بتایا گیا کہ ہر ضلع میں جاری منصوبوں کے لیے واضح ٹائم لائنز مرتب کی جا چکی ہیں اور انتظامیہ کو ہدایت کی گئی ہے کہ شہری ماحول کو جدید، صاف ستھرا اور دیدہ زیب بنانے کے لیے رفتار مزید تیز کی جائے۔قدیمی دروازوں کی تاریخی حیثیت بحال کرنے، گرین بیلٹس کی خوبصورتی بڑھانے، واٹر فیچرز لگانے، رنگین ٹائلز سے راستوں کی تزئین اور صفائی کے سخت ترین اصولوں پر عمل درآمد کو یقینی بنانے کے لیے خصوصی ٹاسک سونپے گئے ہیں۔مزید یہ کہ تمام اسسٹنٹ کمشنرز کے KPI مقرر کر دیے گئے ہیں جس کے بعد مانیٹرنگ سسٹم مزید مضبوط ہو جائے گا اور ہر افسر اپنی کارکردگی کے مطابق جواب دہ ہوگا۔ حکومت کا مؤقف ہے کہ بیوٹیفکیشن صرف ظاہری تبدیلی نہیں بلکہ شہری معیارِ زندگی کو بہتر بنانے کی ایک منظم حکمتِ عملی ہے۔