راولپنڈی: عمران خان سے ملاقات کے پیش نظر اڈیالہ جیل کے اطراف سیکورٹی سخت، تعلیمی ادارے اور تجارتی مراکز بند

راولپنڈی (پی کے نیوز)بانی پاکستان تحریکِ انصاف عمران خان سے آج ملاقات کے پیش نظر اڈیالہ جیل کے اطراف سیکورٹی کے سخت انتظامات کیے گئے ہیں۔ شہر کے مختلف حصوں میں، خاص طور پر گورکھ پور سے داہگل ناکے تک، تجارتی مراکز اور تعلیمی ادارے بند کر دیے گئے ہیں۔ایڈیشنل سیشن جج نور محمد بسمل کے چیمبر کے اطراف دو شفٹوں پر مشتمل خصوصی سیکیورٹی پلان نافذ کیا گیا ہے۔ اس دوران 20 تھانوں کے ایس ایچ، 8 ڈی ایس پیز اور 2 ایس پیز خصوصی ڈیوٹی پر مامور ہیں۔اطلاعات کے مطابق 1200 سے زائد اہلکار و افسران جیل کے ارد گرد تعینات رہیں گے، جن میں 6 لیڈی انسپکٹرز سمیت 48 خواتین کمانڈوز بھی شامل ہیں۔ اس کے علاوہ آر ایم پی فورس، پنجاب کانسٹیبلری، ڈولفن سکواڈ اور ایلیٹ فورس بھی سیکورٹی فرائض انجام دے گی۔پولیس کو اینٹی رائٹ سامان بھی فراہم کیا گیا ہے، جبکہ سیکیورٹی انتظامات کی براہ راست نگرانی ایس پی صدر انعم شیر کر رہی ہیں۔ ایس ایس پی آپریشنز طارق ملک نے بھی اڈیالہ جیل پہنچ کر انتظامات کا جائزہ لی