سجل علی کی دوسری شادی نئے دولہے کا نام سامنے آگیا

شوبز انڈسٹری میں یہ خبریں تیزی سے گردش کر رہی تھیں کہ معروف اور باصلاحیت اداکارہ سجل علی ایک بار پھر رشتۂ ازدواج میں بندھنے والی ہیں۔ افواہوں کے مطابق ان کا نام اس بار نوجوان اداکار حمزہ سہیل کے ساتھ جوڑا جا رہا تھا، جس نے سوشل میڈیا پر خاصی توجہ حاصل کی۔
یاد رہے کہ سجل علی کی پہلی شادی 2020 میں اداکار احد رضا میر سے ابوظہبی میں ہوئی تھی، تاہم یہ رشتہ محض دو سال بعد خاموشی سے اختتام پذیر ہو گیا تھا، جس کی بعد میں دونوں جانب سے تصدیق بھی کی گئی۔
حالیہ دنوں میں سجل علی اور حمزہ سہیل کو مختلف تقریبات اور پراجیکٹس میں ایک ساتھ دیکھا گیا، جبکہ سوشل میڈیا پر ایک دوسرے کے لیے نرم جملوں اور تعریف نے مداحوں کو قیاس آرائی کا موقع دے دیا۔ اسی بنا پر یہ چہ مگوئیاں زور پکڑ گئیں کہ دونوں 2026 میں شادی کرنے جا رہے ہیں۔
ان افواہوں پر جہاں حمزہ سہیل خاموش رہے، وہیں سجل علی نے معاملے پر خود لب کشائی کرتے ہوئے انسٹاگرام اسٹوری میں واضح پیغام دیا۔ اداکارہ نے لکھا کہ لوگ غیر تصدیق شدہ خبروں پر یقین نہ کریں اور اگر ان کی ذاتی زندگی سے متعلق کوئی بات ہوگی تو وہ خود آگاہ کریں گی۔
سجل علی کے اس مختصر مگر واضح بیان کے بعد شادی کی افواہیں وقتی طور پر دم توڑتی دکھائی دے رہی ہیں، تاہم شوبز حلقوں اور سوشل میڈیا پر بحث کا سلسلہ تاحال جاری ہے۔