حکومت کا بڑا فیصلہ نئے میٹر لگوانے والے صارفین کے لیے بڑی خوشخبری

اسلام آباد (پی کے نیوز)بجلی صارفین کے لیے بڑی خوشخبری سامنے آ گئی ہے، جہاں حکومت نے مسابقتی نظام کو مضبوط بنانے کے بعد اسمارٹ میٹرز کی قیمتوں میں 40 فیصد تک نمایاں کمی کر دی ہے۔وفاقی وزیر توانائی اویس لغاری نے اعلان کرتے ہوئے بتایا کہ اس فیصلے کے نتیجے میں ملک کو مجموعی طور پر 150 ارب روپے تک کی بچت ہوگی، جبکہ بجلی صارفین کو بھی براہِ راست مالی فائدہ پہنچے گا۔ان کے مطابق تھری فیز اسمارٹ میٹر کی قیمت 45 ہزار روپے سے کم ہو کر 25 ہزار روپے رہ گئی ہے، جبکہ سنگل فیز میٹر کی قیمت میں 7 ہزار روپے تک کمی کی گئی ہے۔حکومت نے پاکستان انجینئرنگ کونسل کے قواعد میں مثبت اصلاحات متعارف کروائیں، جس کے بعد بین الاقوامی کمپنیوں نے مسابقتی عمل میں بھرپور حصہ لیا۔اویس لغاری کا کہنا تھا کہ قیمتوں میں کمی سے صارفین کو ڈیمانڈ نوٹس کی مد میں کم رقم ادا کرنا پڑے گی، جبکہ اسمارٹ میٹرز کی بدولت غلط میٹر ریڈنگ، بجلی چوری کی فوری نشاندہی اور پری پیڈ ادائیگی جیسی سہولیات بھی دستیاب ہوں گی۔