سمریتی مندھانا اور پالاش مچھل کی شادی ملتوی — بھارتی نائب کپتان کی نجی تقریب مؤخر

بھارتی ویمن کرکٹ ٹیم کی نائب کپتان سمریتی مندھانا اور معروف موسیقار پالاش مچھل کی شادی، جو 23 نومبر کو طے تھی، اچانک ملتوی کر دی گئی ہے۔قریبی ذرائع کے مطابق تقریب کو مؤخر کرنے کا فیصلہ مخصوص نجی معاملات کے باعث کیا گیا، تاہم جوڑے کی جانب سے نئی تاریخ سے متعلق کوئی باضابطہ اعلان سامنے نہیں آیا۔مداحوں اور کرکٹ حلقوں میں اس خبر پر حیرت کا اظہار کیا جا رہا ہے، جب کہ شائقین اس بات کے منتظر ہیں کہ شادی کی نئی تاریخ کب سامنے آئے گی۔سمریتی مندھانا اور پالاش مچھل کی منگنی نے دونوں کے مداحوں میں خاصی دلچسپی پیدا کی تھی، جس کے باعث شادی کی تقریب کے حوالے سے بھی خوب توقعات تھیں۔