بھارت کی مقبول اداکارہ کی نازیبا ویڈیو وائرل

بھارتی فلم انڈسٹری کی معروف اداکارہ سری لیلا ایک سنگین اور تشویشناک معاملے کا شکار ہو گئیں، جب ان سے منسوب نازیبا اور جعلی اے آئی تصاویر سوشل میڈیا پر وائرل ہو گئیں۔ اس واقعے نے نہ صرف ان کے مداحوں کو چونکا دیا بلکہ ڈیجیٹل دنیا میں اخلاقی حدود اور ٹیکنالوجی کے غلط استعمال پر بھی سوالات کھڑے کر دیے ہیں۔سری لیلا نے اس دلخراش واقعے پر خاموش رہنے کے بجائے پولیس سے فوری رجوع کیا اور ذمہ دار عناصر کے خلاف باضابطہ شکایت درج کروا دی۔ اداکارہ کے مطابق انہیں حال ہی میں اس گھناؤنی مہم کا علم ہوا، جس کے بعد وہ شدید ذہنی دباؤ اور صدمے کا شکار رہیں۔اداکارہ نے سوشل میڈیا پر ایک جذباتی نوٹ شیئر کرتے ہوئے کہا کہ اے آئی کے ذریعے تیار کی گئی جعلی تصاویر نے انہیں شدید اذیت میں مبتلا کر دیا ہے۔ ان کا کہنا تھا کہ یہ عمل نہ صرف کسی فرد کی عزت اور وقار کو مجروح کرتا ہے بلکہ معاشرے میں خوف اور بے چینی کو بھی جنم دیتا ہے۔سری لیلا نے عوام، مداحوں اور سوشل میڈیا صارفین سے پُرزور اپیل کی کہ وہ ایسی جعلی اور غیر اخلاقی مواد کو آگے پھیلانے سے گریز کریں۔ انہوں نے واضح کیا کہ ٹیکنالوجی کا مقصد انسانیت کی بہتری اور سہولت فراہم کرنا ہے، نہ کہ کسی کی زندگی کو مشکل اور تکلیف دہ بنانا۔اداکارہ کا کہنا تھا کہ اے آئی جیسے جدید ذرائع اگر غلط ہاتھوں میں چلے جائیں تو یہ کسی بھی فرد کی زندگی تباہ کر سکتے ہیں۔ انہوں نے امید ظاہر کی کہ قانون نافذ کرنے والے ادارے اس معاملے میں سخت کارروائی کریں گے تاکہ آئندہ کسی اور کو اس قسم کی اذیت کا سامنا نہ کرنا پڑے۔یہ واقعہ ایک بار پھر اس حقیقت کو اجاگر کرتا ہے کہ ڈیجیٹل دور میں ذمہ دارانہ رویہ اور مضبوط قوانین وقت کی اہم ترین ضرورت بن چکے